ИГД: Топ-пет глобални малопродажни трендови во 2015 година

На почетокот од 2015 година, ИГД ги објави предвидувањата за состојбата на глобалниот пазар на производите за широка потрошувачка. Во текот на годината, ја следевме еволуцијата на трендовите и нивната материјализација во индустријата. Да погледнеме што се случуваше...

1.    Трансформација „продавница до врата";
2.    Кога технологиите се судираат;
3.    Пулсот на податоците;
4.    Големите бизниси го возвраќаат ударот;
5.    Чувари на клиентите.

Во 2015 година бевме сведоци на голем број иноватори во синџирот на снабдување, кои се обидуваа да им помогнат на купувачите да ги минимизираат трошоците поврзани со интернет-купувањето. Индустријата беше во потрага по нови генијални начини за да овозможи колку што е можно побрза, попрецизна и поефикасна услуга. Во услови на жестока конкуренција во интернет-каналот, императив беше исполнувањето на очекувањата на купувачите во однос на услугата и на цените.

• Во Јужна Африка, синџирот „Макро" соработуваше со „Мекдоналдс" и со бензинските станици „Сасол" за инсталирање шкафчиња, кои на потрошувачите им овозможуваат да ги земат интернет-нарачките од погодни локации.
• Во следните пет години, „Окадо" ќе го развива проектот „Секнд хендс" (Second hands), развивајќи паметни роботи, кои ќе ги поддржуваат работниците во магацините.

Силниот бран на новата технологија го пронајде своето место на масовниот пазар во 2015 година.

• Во продавницата „Таргет опен хаус", купувачите имаат на располагање 35 паметни технологии, почнувајќи од паметните брави на вратите, паметни садови за храна за домашни миленичиња, итн. Оваа „вмрежена" продавница на иднината беше отворена во Сан Франциско во јули 2015 година.
• Во јуни минатата година, 270 продавници „Теско експрес" во Лондон ги промовираа сладоледите Magnum Pink и Magnum Black, користејќи ја технологијата iBeacon. Кога беа во близина на некоја од продавниците, купувачите што ја имаа инсталирано апликацијата mPulse, преку телефоните добиваа дигитални купони за попуст.

Фокусот на здравјето и на здравиот начин на живот веќе подолго време е тренд, а новата технологија го издигнува на сè повисоко ниво. Користењето на апликациите на паметните телефони и на соодветната технологија, им помага на луѓето во следењето на здравјето, континуирано и во детали. Овој аспект претставува огромен потенцијал за трговците и за доставувачите, особено за стекнување нови податоци за потрошувачите. Создавањето и развивањето на довербата на потрошувачите, како и нагласувањето на придобивките, се главните двигатели што ќе ги поттикнат луѓето да споделуваат информации.

•  „Гугл" развива апликација што ги пресметува калориите од фотографиите. Апликацијата im2calorie го анализира секој пиксел од фотографијата за да утврди што точно е тоа и колку калории содржи.
•  „Волмарт" ја создаде т.н. здрава пазарна количка. Овие паметни, високотехнолошки колички, кои беа претставени во Костарика, ги бројат калориите што потрошувачот ги троши додека пазарува и ги сигнализираат околните здрави производи.

Некои од најголемите компании во индустријата се соочија со бројни предизвици на повеќе фронтови, вклучувајќи ги интерното дејствување, жестоката конкуренција во повеќеканалниот систем и жилавата заднина на трговијата.

1. Стратегиски промени во управувачката структура, отворање нови продавници, промени во асортиманот на производи и нови ценовни тактики.
2.  Коригирање на иднината, фокус на долгорочните можности, нови формати на продавници, инспирирање од интернет-операторите, дисконтерите и од иновативните компании.

•  Јапонскиот синџир „Севн & ај холдингс" ќе инвестира 89 милиони долари за да ги хомогенизира и да ги интергрира инстор и интернет-операциите. На тој начин, трговецот ќе го забрза идниот развој и ќе ја максимира физичката поврзаност.

Чувари на клиентите

•  Компанијата „СЦ Џонсон" ги открива состојките и формулите на своите производи. Почнувајќи со освежувачот за воздух Glade во Северна Америка, производителот сега споделува 99,1 отсто од формулите за производите на whatsinsidescjohnson.com.