Хрватска: „Подравка“ и Ливаковиќ донираа за „Академија за здрав живот“

Доминик Ливаковиќ и „Подравка“ повторно ги здружија силите и го донираа Čokolino . Овој пат донацијата беше направена за Здружението  „Академијата за здрав живот“, поточно, членовите на здружението кои се натпреваруваат во „Пауер лига“како дел од „Академијата за здрав живот“.

Станува збор за донација вредна 15 илјади евра, а членовите на девет различни здруженија и клубови низ Хрватска добија повеќе од 3.500 производи на Čokolino. Донации се дадени во Здружението „Били тиќи“ - Сплит, Центарот за образование „Иван Штарк“ - Осиек, Училиште за образование - Пула, Спортското друштво „Велико срце“ - Копривница, Здружението за аутизам „Поглед Неделишќе“, Здружение за Даунов синдром „Риека 21“, Здружение за Даунов синдром „Даун Загреб, Центар за образование „Крапинске Топлице“ и на Здружението „Специјален пријател“ -  Дубровник.

При предавањето на донацијата беше организиран собир на членовите на здружението со  мечето Лино , а на сите преку видео порака им се обрати и Доминик Ливаковиќ.

Драги мои, исклучително ми е драго што претстојните празници заедно со „Подравка“ и мечето Лино  можам да ве развеселам со многу Čokolino . Тоа е и мојот омилен производ, така што навистина уживам да го споделувам со другите. За жал, не можев да бидам со вас, но се надевам дека ќе се забавуваш. И слободно сети се на мене кога уживаш во  Čokolino. Ви посакувам среќни празници и многу смеа и добра волја, рече Ливаковиќ.

Весна Вишниќ, директорка на деловната програма за житарици, закуски и пијалоци на „Подравка“, им честиташе на Здружението и на неговите членови за се што прават, со желба да продолжат и во иднина:

Мило ми е што денеска имавме можност да ги израдуваме членовите на Здружението Академија за здрав живот со нашите производи Čokolino  . Здравиот начин на живот и физичките активности, особено за децата и младите, вклучително и децата со пречки во развојот, се она што секогаш се обидуваме да го поттикнеме преку нашите производи. Затоа ја поддржавме работата на Здружението со кое со голема радост споделуваме цели. Се надевам дека  Čokolino и поддршката на Доминик Ливаковиќ ќе бидат дополнителен ветар зад нив да тренираат уште повеќе и да постигнат уште подобри резултати, истакна Вишниќ.

Благодарност за донацијата изрази претседателката на Здружението „Академија за здраво живеење, Петра Марас.

 Извор/Фото: „Подравка“