Хрватска од септември двојно ќе ги прикажува цените

Од септември, деловните субјекти во Хрватска ќе ги искажуваат цените и во куни и во евра. Ова ќе биде клучна мерка за спречување на неоправдано зголемување и неправилно пресметување на цените. Освен тоа, на потрошувачите ќе им се овозможи полесно да се навикнат на цените и другите парични вредности искажани во евра. 

Утврдени се и правила за замена на готовите куни за готови евра. Тоа ќе биде можно во банките, продавниците на ФИНА и на „Хрватска пошта“ во тек на 12 месеци од денот на воведување на еврото. 

Во тек на периодот на задолжително двојно прикажување, што би требало да почне од 5 септември оваа година и ќе трае 12 месеци од денот на воведување на еврото, деловните субјекти ќе имаат обврска цените да ги искажат во евра и во куни со истакнување на фиксниот курс на конверзија.