Регион

Матео Коланѓели e новиот директор на ЕБОР за Западен Балкан

08 апр 2021

Европската банка за обнова и развој (ЕБОР) го назначи Матео Коланѓели за нов директор за регионот на Западен Балкан и директор на канцеларијата во Србија. Како регионален директор, тој ќе биде одговорен за операциите на ЕБОР во Албанија, Босна и Херцеговина, Црна Гора, Северна Македонија и Србија. Седиштето на канцеларијата е во Белград.

Минатата година, ЕБОР инвестираше 1,3 милијарди евра во Западен Балкан. Приоритетите на банката во регионот се зајакнување на приватниот сектор, промовирање на транзицијата кон зелена економија, како и зајакнување на транспортните врски во регионот со соседните европски земји.

Коланѓели, кој во моментов е на чело на канцеларијата на ЕБОР во Албанија, рече: Јас сум многу горд што ја презедов оваа функција и решен сум да продолжам да го зајакнувам нашиот бизнис во регионот. Ќе бидеме фокусирани на економското закрепнување по пандемијата и заедно со нашите партнери ќе работиме на градење на позелени, поинклузивни и дигитализирани економии на Западен Балкан.

Коланџели, кој по националност е Италијанец, ја почна својата кариера во ЕБОР во седиштето во Лондон во 2005 година како банкар. Потоа работел како регионален банкар во Украина и Бугарија, со посебен ангажман во областа на енергетиката, а потоа бил назначен за директор на канцеларијата во Албанија во 2016 година. Магистрирал на Лондонската школа за економија и политички науки.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Најголемиот европски онлајн трговец стигнува во Хрватска

06 апр 2021

Српската храна на саем во Москва

06 апр 2021

Србија ги отвора трговските центри во понеделник

06 апр 2021

„Симка“ ќе почне со производство до крајот на годината

06 апр 2021

„Нелт“ објави конкурс за програмата „Добар почеток 6“

06 апр 2021

Словенија со највисока стапка на невработеност од почетокот на пандемијата

06 апр 2021
Вчитува уште новости...