„Атлантик група“ инвестира во нова фабрика за Argeta кај Вараждин

Хрватската „Атлантик група“ ќе гради модерен производствен погон за производство на паштетата Argeta. Ќе биде лоциран во близина на Вараждин и во него ќе се отворат 150 работни места. 

Инвестицијата е во вкупна вредност од 50 милиони евра. Според планот, новиот производствен погон треба да биде пуштен во рок од 15 месеци од добивањето градежна дозвола. 

За изградба на погонот, компанијата купи земјиште од 41.000 квадратни метри. 

Сега, „Атлантик група“ има два производствени погони за Argeta. Едниот е во Словенија, а вториот е во БиХ. Исто така, има услужно производство во САД, за пазарите на САД и на Канада.