Македонија

Нов „Киппер“ во Радишани

17 јун 2021

Денеска (17 јуни) беше отворен новиот „Киппер“ во населбата Радишани, општина Бутел, кој е 68. маркет во малопродажната мрежа на хард-дисконтерот.

Маркетот, лоциран на адреса Радишанска, бр. 18-6, се простира на продажен простор од 394 квадратни метри и на дополнителен магацински простор од 110 квадрати. Располага со 2 наплатни каси, а за услугата се грижи тим од 9 вработени. Асортиманот го сочинуваат речиси 1.900 артикли.

Ова е 68. маркет и многу брзо ќе достигнеме до 80, како што ни беше планирано до крајот на годинава. Се надеваме дека до средина на 2022 година ќе бидеме присутни во секој град, изјавија за InStore од „Киппер“.

Од компанијата додаваат дека планот за нови отворања е според досегашната динамика – следуваат маркетите во Гази Баба, Липково, Ресен и во Драчево, а активно се бараат локации и во другите градови во кои хард-дисконтерот не е присутен.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Се вчитува следна вест...