IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Вторник, 24.04.2018 || Повторна продажба на имотот на компанијата „Малина“  |  „Хајнекен“ оствари солиден количински пораст  |  „Агрокор“ продолжува непречено да работи од 15 јули?  |  „П & Г“ презеде дел од портфолиото на „Мерк“ за 3,4 милијарди евра  |  „Гринјард“ бара снабдувачи во Македонија  |  „Сите сити“ - нов систем за донирање вишок храна  |  Медицинска опрема од „Жито лукс“ за четири болници  |  Во „Веро“ - Тафталиџе бесплатен паркинг 30 минути  |  „Млин и пекара Љубаче“ со нова инвестиција  |  Natur Premium пристигнува на македонскиот пазар  |  „Монделез“ вложува 90 милиони евра во „фабрика на иднината“  |  „Рамстор“ го отвори 25.маркет  |  „Хенкел“ отвори нова фабрика Somat во Крушевац  |  „Сан Пелегрино“ со приход од 895 милиони евра  |  „Карфур“ ги отвори првите пунктови испорака за пешаци  |  „Персу“ ги повика локалните производители да соработуваат  |  „Кимберли Кларк“ ќе го проширува капацитетот во Алабама  |  „Витамин“ на саемот во Мостар  |  Владимир Косијер нов генерален директор на „Пивара Скопје“  |  „Амазон“ е во преговори со авио-превозникот „Азул“  |   ||
   

Македонија: Продолжува порастот и позитивните резултати на „Тиквеш“

20.03.2017

Од македонската винарница очекуваат дека трендот на пораст на приходите, кој минатата година изнесувал 9 отсто, ќе продолжи и годинава, со зголемување на продажбата на домашниот и на странските пазари.

Вкупните приходи на „Тиквеш" во 2016 година забележале пораст за 112,8 милиони денари, што е зголемување за 9 отсто во однос на претходната година. Порастот се должи на зголемените приходи од продажбата на вино на домашниот пазар за 12 отсто, како и од порастот на приходите од извоз за 6 отсто. Зголемените приходи генерирале и пораст на бруто-добивката од 27 отсто, а пониските оперативни расходи за 6 отсто, на „Тиквеш" ѝ овозможиле да забележи зголемување на оперативната добивка за 32 отсто во однос на претходната година.

Задоволни сме од остварените резултати – тие покажуваат дека нашата стратегија за долгорочен развој се остварува така како што е зацртанo, коментира Игор Илиевски, генерален директор на винарницата, и додава дека фокусот на „Тиквеш" останува на имплементацијата на најновите глобални трендови во винската индустрија, развојот на нови вински брендови и на промоција на висококвалитетното македонско вино во светот.

„Тиквеш" очекува позитивните финансиски резултати да продолжат годинава, како и реализација на планираното зголемување на приходите од продажба за 10 отсто во однос на 2016 година, при што, учеството на приходите од продажбата на домашниот пазар се очекува да биде 48 отсто, а на извозните – 52 отсто.


Назад
 

 
 
 
back to top