IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Сабота, 24.02.2018 || „Маџид ал Футам“ отвора уште 100 објекти „Карфур“  |  „Диа“ оствари бруто-продажба во износ од 10 милијарди евра  |  Рамљак поднесе неотповиклива оставка  |  Пораст на „Шпар“ од 6,5% по проширувањето  |  За 40-от роденден, Стоби Флипс во вселената  |  Успешно спроведена докапитализација на „Бадел 1862“  |  „Нектар“ закупи најголемо земјиште во Владичин Хан  |  „Фереро“ ќе лансира сладолед Kinder, кој ќе го произведува „Унилевер“  |  dm најави партнерство со „Деметер“  |  „Универекспорт“ ја демантираше поврзаноста со лажната наградна игра  |  „Рекит Бенкисер“ најавува финансиско заздравување  |  Наскоро лабораторија за контрола на квалитетот на карловачките вина  |  „Алди норд“ и „Алди зид“ ќе соработуваат во натпреварот со „Лидл“  |  Турци заинтересирани за изградба на најголемата кланица  |  „Амазон“ отвора неколку дистрибутивни центри  |  Американците се „жедни“ за Corona  |   „Лидл“ ја отвори 93. продавница  |  Успешна година за „Шпар“  |  Извозот кон Русија зголемен за 10,6%  |  Пазарот на пакувана вода вреди 2,8 милијарди евра  |   ||
   

Куба: „Нестле“ гради фабрика за кафе и за бисквити

01.12.2017

Швајцарската прехранбена компанија „Нестле" во вторникот положи камен-темелник за изградба на фабрика за кафе и за бисквити на Куба, инвестиција вредна 55 милиони долари.

Фабриката, која ќе се гради во развојната бизнис-зона Мариел, е заедничка инвестиција на „Нестле" и на кубанската компанија „Коралса корпорасион алиментариа".

Преговорите со кубанскиот партнер и со властите на Мариел траеја 18 месеци – рекордно кратко време, нагласи Лорен Фреи, раководител на одделот за Северна, Средна и Јужна Америка во „Нестле".

Фабриката ќе почне со производство на крајот од 2019 година и во почетната фаза ќе произведува кафе, а нешто подоцна и бисквити, како и кулинарски специјалитети. Производите ќе бидат наменети за кубанскиот пазар и за туристите што го посетуваат островот, а компанијата би можела и да извезува кубанско кафе, додава Фреи.

Минатата година, „Нестле" извезувала кубанско кафе во САД, во ограничената линија капсули Cafecito de Cuba. Сепак, пред да почне со континуиран извоз, Фреи вели дека „Нестле" ќе ѝ помогне на Куба да го зголеми родот, кој непрекинато се намалува од 1959 година.

Бизнис-зоната околу пристаништето Мариел, западно од Хавана, која е изградена пред четири години, на компаниите им нуди значителни даночни и царински олеснувања. Таа ги одржува настојувањата на претседателот Раул Кастро да го привлече меѓународниот капитал, за да ја осовремени економијата и да го поттикне порастот, пишува „Ројтерс".


Назад
 

 
 
 
back to top