IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Сабота, 25.11.2017 || Budweiser ќе испраќа јачмен во вселената  |  Весел почеток на соработката меѓу „Вела“ и „Орбико“  |  Пораст на е-продажбата на dm  |  „Карфур“ лансира одржлива приватна трговска марка  |  Просечната нето-плата во септември – 23.229 денари  |  Голем пораст за приватните трговски марки на „Теско“  |  Амазон оди „во шопинг“  |  „Попова кула“ со добивка од 4,8 милиони денари  |  Задолжителна квота за жени во управувањето со компаниите  |  „Дониа“ наградена со јубилејно признание  |  „Алибаба“ со нова инвестиција од 2,9 милијарди долари   |  Почнува втората потрага по „Добри брендови“  |  „Хол фудс“ со поголеми снижувања за премиум членовите на „Амазон“  |  „Тиквеш“ го претстави годинашното младо вино  |  Argeta веќе се произведува и во САД  |  Поповолна економска состојба во преработувачката индустрија во октомври   |  Зголемен прометот во индустријата во септември  |  Деловни средби за нови партнерства  |  Унапредување на трговските односи меѓу двете земји  |  „Нестле“ ќе го реорганизира бизнисот со храна за бебиња  |   ||
   

Интервју со Пол Митс: Најбитно е да имате добра идеја

18.10.2017

Пол Митс, креативен директор во агенцијата „Дрога5" од Њујорк, ќе биде главниот предавач на годинешното издание на фестивалот за интегрирани комуникации „Кактус" што на 1 и 2 ноември ќе се одржи во Белград.

По тој повод тој зборува за инспирацијата, за идеите, традиционалното наспроти модерното во маркетингот, кaко и за комуникацијата меѓу брендовите и потрошувачите.

Работите како креативен директор повеќе од 17 години, Сте соработувале со голем број успешни и светски познати брендови. Има ли некои што ви се омилени?

Проект на кој сум особено горд е всушност илустрацијата за 100-годишнината на шишето Coca-Cola. Имав задача да направам редизајн на ретро-шишето со можност да користам само три бои: црвена, црна и бела. Трудот беше објавен во брошурата „Kiss the Past Hello", каде се вклучени и историски фотографии од Енди Ворхол и Роберт Рашенберг, како и трудови на голем број „сомнителни" уметници , како мене и како господинот Брејнвош.

Што ви вели искуството, како се раѓаат добрите идеи и каде наоѓате инспирација за нив?

Идеите доаѓаат од разни страни. Да бидам искрен, секогаш ги има. Мене претежно ми доаѓаат додека се возам со метро.

Кои идеи добиваат најголемо внимание во модерното огласување? Како би ги дефинирале идеите што успеваат да опстојат?

Проектите што победуваат на меѓународните натпревари, најчесто се најдобро примени во конкретните категории и се најдобри идеи во таа област. Сепак, за мене најдобра идеја е таа што е наједноставна, за која никогаш претходно не сте размислувале. Тое се оние идеи што ги поттикнуваат луѓето да се запрашаат: „Зошто не се сетив на тоа порано?"

За мене најдобра идеја е таа што е наједноставна, за којашто никогаш претходно не сте размислувале.

Во што е тајната на добрата двосмерна комуникација меѓу брендот и потрошувачот?

Не знам дали има некакви тајни, но има повеќе смисла ако како споредба ја земете која било друга конверзација. Брендовите очигледно ги сакаат своите производи и сакаат бескрајно да зборуваат за нив. Но, добриот дијалог е тоа што го сакаат двете страни. Ако сте спортски бренд или некое носталгично колаче, тогаш тоа е нешто кон коешто се врзани потрошувачите. Токму во таа насока и треба да го почнете разговорот.

Но, ако почнете разговор со прашок за долна облека со непознат човек на улица, големи се шансите да го изгубите неговото внимание, или, пак, тој да се обиде да ја промени темата, што всушност постојано се случува на социјалните мрежи. Бренд за газирана вода постира нешто за меурчиња, а потрошувачот на кого тоа му е досадно, одговара со разговор за глобализацијата, или, пак се жали за бојата на конзервата.

Може да се каже дека живееме во дигитална доба. Според вас, која е предноста на дигитализацијата, во однос на традиционалниот маркетинг и зошто дијалогот е релевантен, наспроти монологот што беше составен дел на традиционалниот маркетинг?

Не гледам дека има некаква предност. Но, во индустријата многу работи се сменија. Пред дигитализацијата, фокусот беше на телевизијата, радиото или на печатените огласи. Тогаш одненадеж се појави дигитализацијата, компјутерските игри, апликациите, интернет страниците, банерите, виралните филмови, чет ботовите итн..

Дигитализацијата внесе голема разноликост, па така, без оглед дали се работи за детска книга, крофна, пар чевли, битно е во основа да имате добра идеја.

Сложеноста на медиумскиот пејсаж значително се промени. Со тоа и интегрираните кампањи станаа исклучително сложени. Милам дека дигитализацијата навистина влијаеше за работите да се променат. Поради тоа што сè стана толку сложено, работата сега бара силна идеја за нешто добро да се направи. Нешто во сржта со која потоа сите се хранат.

И, на крајот, дигиталицазијата донесе и други можности. Дигитализацијата внесе голема разноликост, па така, без оглед дали се работи за детска книга, крофна, пар чевли, битно е во основа да имате добра идеја и со неа ќе можете да направите сè што ќе посакате, од што било.

Дали можете да издвоите кампањи кои, според Вас, се на прво место во светот за минатата година? Зошто?

Моите две омилени кампањи се „Meet Graham" и „Fearless Girl". Првата ги надмина границите на сето она што до сега сме го виделе кога станува збор за кампањи за безбедност во сообраќајот. Втората, пак, зашто е перфектно изработена.

На годинешниот фестивал „Кактус", ваша тема на предвањето ќе биде „Ripple Effect". Каков е тој ефект, што можат да очекуваат учесниците на фестивалот?

„Ripple Effect" се занимава со создавањето на последичниот домино ефект во рамките на интегрираното огласување. Овој тип на огласување е често успешен поради користењето на повеќе канали за огласување за иста цел. Но, некогаш работатаа може да се подобри во текот на самиот процес. Еден дел може да биде подобар од друг, но за тоа повеќе ќе може да се чуе на фестивалот „Кактус".


Назад
 

 
 
 
back to top