IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Недела, 18.02.2018 || „Лидл“ ја отвори 93. продавница  |  Успешна година за „Шпар“  |  Извозот кон Русија зголемен за 10,6%  |  Пазарот на пакувана вода вреди 2,8 милијарди евра  |  Индекси на прометот во индустријата за декември 2017  |  Вештини на преговарање со трговците  |  Успешно управување со брендот и организација на маркетингот  |  Мотивација и тимска работа во КА-менаџментот  |  Костиќ заинтересиран за дел од „Агрокор“  |  Конференција на „Тинекс“ за најава на новиот логистички центар   |  „Кока-кола ХБЦ“ забележа пораст на волуменската продажба  |  „Метро“ забележа пораст во првиот квартал  |  „Витаминка“ го купи имотот на „Брилијант“ за 7,3 милиони евра   |  Лидер – свој на своето  |  „Бел фуд“ доби одобрение за преземање на „Хугли“  |  „Нестле“ го презеде латиноамериканскиот „Терафертил“  |  Нов закон за јавни набавки - освен цената важен и квалитетот  |  Златен медал за „Попова кула“ во Јапонија  |  „Тиквеш“ ги закрои лозјата  |  „Виолета“ освојува пазари во регионот  |   ||
   

Хрватска: „Атлантик група“ и „Аминолабс“ склучија стратешко партнерство

12.07.2017

„Атлантик група" ќе го дезинвестира производството на спортска и на активна исхрана на белгиската компанија „Аминолабс груп", но ќе го задржи брендот Multipower.

За понатамошно реструктурирање и поедноставување на работењето во сегментот спортска и активна исхрана, но за фокусирање на сопствените брендови, „Атлантик група" одлучи да ги продаде фабриките во Германија (Блекеде) и во Хрватска (Нова Градишка), како и поврзаното производство на приватни трговски марки на белгиската компанија „Аминолабс груп", се наведува во соопштението на компанијата.

Вредноста на трансакцијата изнесува 27 милиони евра, од кои, исплатата од 20,3 милиони евра ќе следува по потпишувањето на договорот, а остатокот ќе биде исплатен во следните две години. Трансакцијата се очекува да заврши во последниот квартал годинава. Во погонот во Нова Градишка, „Атлантик група" ќе остане малцински партнер, а стратешките брендови Multipower, Champ и Multaben, се издвоени во посебна бизнис-единица и ќе останат во нејзина стопроцентна сопственост.

„Атлантик група" ќе продолжи да го развива брендот Multipower, приближувајќи го до премиум сегментот и ќе ја задржи надлежноста на маркетингот, продажбата и иновациите на производното портфолио на спортска исхрана.

„Аминолабс груп" е специјализирана компанија за развој и за производство на иновативни концепти во областа додатоци за исхраната и е доставувач на бројни угледни меѓународни компании за здрава исхрана. Компанијата, со седиште во Хаселт во Белгија, поседува два современи производни погони во Хаселт и во Зотегем, кои го имаат сертификатот GMP (Good Manufacturing Practice). Работи во 36 земји низ светот, а купувачи се угледни брендови, интернет-продавници, малопродажни и фармацевтски синџири.


Назад
 

 
 
 
back to top