IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Вторник, 11.12.2018 || „Виталиа“ продава и во Бангладеш   |  „Нектар“ и „Нелт“ се здружија во Србија   |  „Старбакс“ ќе отвори уште 2.100 ресторани ширум светот  |  „Жито маркети“ прослави 30 години   |  „Дм дрогерие маркт“ забележа двоцифрен раст   |  „Розе“ во „Вашингтон пост“   |  „Виолета“ ја разубави скопска Гинекологија   |  Vincinni извезува во Јужна Кореја   |  Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |   ||
   

Македонија: Ајварот Perustija – достапен и на домашниот пазар

18.10.2017

Ајварот Perustija, кој се извезува во повеќе од 20 земји низ целиот свет, достапен е и на македонскиот пазар.

Домашниот ајвар, достапен во 5 вкусови – благ, лут и екстра лут црвен, како и зелен и жолт со сенф, се произведува во фабриката „Ларс" во Штип, која 27 години преработува зеленчук. Дарко Нашков, сопственик на штипската компанија, вели дека откако Perustija ги освоила вкусовите на потрошувачите во САД, Канада, Нов Зеланд, Австралија, Холандија, Германија, Србија, Хрватска, БИХ..., раководството решило да го пласира брендот и пред домашните потрошувачи.

Најголем дел од производството, односно околу 1,5 милиони тегли ајвар годишно, е наменето за извоз. Нашите традиционални странски партнери бараат висококвалитетни производи, деликатеси каков што впрочем е и ајварот, при што условот беше тие да бидат без додатоци и без конзерванси, објаснува тој, и додава дека годишниот извоз на Perustija ја надминува вредноста од 6 милиони евра. Проблем со набавка на суровина нема, вели Нашков – еден од ретките земјоделски производи, чиешто производство и откуп се зголемуваат од година во година, е токму црвената пиперка.

Целта на „Ларс" е да не бидат запоставени ниту домашните потрошувачи – затоа од годинава, Perustija е присутен во речиси сите поголеми трговски синџири во земјава. Нашков најавува дека наскоро, брендот ќе биде проширен со охридско макало и со природни сокови (без шеќер и без никакви додатоци).

Во иднина планираме да го зголемуваме уделот на брендирани производи во портфолиото, односно да го намалуваме уделот на класичните производи – пиперки, корнишони и цвекло, кои се продаваат по берзанска, ниска цена и за кои имаме огромна конкуренција од цел свет, заклучува Нашков.


Назад
 
 
 
 
back to top