Регион

Рекорди и награди во „Певец“

11 јун 2019

Хрватскиот синџир „Певец“ во 2018 година оствари рекордна добивка од 139,58 милиони куни, соопштија од компанијата. 

Во истата година, вкупните приходи пораснаа на 1,954 милијарди куни. ПОкрај тоа, компанијата во минатите три години стекна право на сопственост над осум постоечки малопродажни центри, отвори уште пет нови продажни центри и вработи уште 600 работници. 

„Певец“ донесе одлука и за исплата на дивиденда на акционерите во вкупен износ од 99,4 милиони куни, односно по 7.530 куни за акција, што е за 25 отсто повеќе од минатогодишната сума. Вкупно 1.855 вработени минатата недела добија регрес во износ од по 1.000 куни, а 20 отсто најдобри работници ќе добијат и 13-та плата како награда за добро завршената деловна година. 

Од компанијата најавија отворање на уште два нови продажни центри и зголемување на просечната нето плата на своите вработени на 7.500 куни во следните две години.