Македонија

Денес ќе се додели сертификатот за компании „Фер со потрошувачот“

30 јул 2019

Денеска во Скопје свечено ќе се додели сертификатот за компании „Фер со потрошувачот“.  

Овој сертификат се доделува на компании кои имаат јасно дефинирани правила за заштита на безбедноста и здравјето на потрошувачите, користат фер пазарни практики, применуваат спогодбено решавање поплаки и спорови, ја штитат приватноста на потрошувачите и се грижат за влијанието на производите врз животната средина.

Со сертификацијата се помага да се поттикне фер деловната пракса и да се воведат корпоративни кодекси за однос кон потрошувачите.

Сертификацијата на компаниите е финансирана од Европската Унија во рамки на проектот „Партнерство меѓу граѓанското општество и деловниот сектор – развивање иновативен модел за мобилизација на финансиски средства“, што го спроведуваат Организацијата на потрошувачите (ОПМ) и Асоцијацијата „Зенит“.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Се вчитува следна вест...