IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Недела, 18.02.2018 || „Лидл“ ја отвори 93. продавница  |  Успешна година за „Шпар“  |  Извозот кон Русија зголемен за 10,6%  |  Пазарот на пакувана вода вреди 2,8 милијарди евра  |  Индекси на прометот во индустријата за декември 2017  |  Вештини на преговарање со трговците  |  Успешно управување со брендот и организација на маркетингот  |  Мотивација и тимска работа во КА-менаџментот  |  Костиќ заинтересиран за дел од „Агрокор“  |  Конференција на „Тинекс“ за најава на новиот логистички центар   |  „Кока-кола ХБЦ“ забележа пораст на волуменската продажба  |  „Метро“ забележа пораст во првиот квартал  |  „Витаминка“ го купи имотот на „Брилијант“ за 7,3 милиони евра   |  Лидер – свој на своето  |  „Бел фуд“ доби одобрение за преземање на „Хугли“  |  „Нестле“ го презеде латиноамериканскиот „Терафертил“  |  Нов закон за јавни набавки - освен цената важен и квалитетот  |  Златен медал за „Попова кула“ во Јапонија  |  „Тиквеш“ ги закрои лозјата  |  „Виолета“ освојува пазари во регионот  |   ||
   

Верица Мартиновска: Похрабро, појако, поупорно – се гледаме на 11 мај!

13.04.2017
 

Верица Мартиновска, главен и одговорен уредник на InStoreМакедонија

Пролет, расцветани дрвца, луѓе кои спортуваат на кеј, одат по концерти и со видеа го преплавуваат „Фејсбук". Маскирани деца за 1 Април, точаци и сонце секој ден smiley.

Истовремено, блокирана држава, со уплашени фирми и поединци.

Сѐ ова е дел од нашата чудесна Македонија. Како два паралелни светови кои наизменично ги живееме и кои на моменти неизбежно се испреплетуваат.

Во оваа уникатна констелација, ние го организираме третиот FMCG-самит, закажан за 11 мај, во „Александар палас". Можеби звучи лудо, преамбициозно, дури и надмено, можеби изгледа како да се игнорира реалноста и да се продолжува како ништо да не се случува, но дали имаме друг избор?! Не само ние, не само вие, сите заедно – немаме избор!

Единствената опција што ја имаме е да продолжиме напред. И тоа не со истите сили и темпо, туку похрабро, појако, поупорно. Да, работите одат побавно и потешко. Да, за истата работа ни е потребно дупло повеќе напор за да ја завршиме. Да, но ако сме решени, сепак на крај ќе ја завршиме. А мораме да ја завршиме затоа што регионот не стои, светот не стои... Сè оди напред и во секој од нас мораме да ја најдеме силата што ќе ги придвижи работите.

Затоа ние и оваа година за вас носиме врвни предавачи од целиот регион. Со нас ќе бидат истражувачки агенции, консултанти и FMCG-професионалци од Словенија, преку Хрватска, БИХ и Србија, до Македонија. Регионалноста која е главен адут на InStore, оваа година ќе биде главен адут и на FMCG-самитот. Сите тие со нивните инспиративни приказни гарантираат еден феноменален ден, каде сите нешто ќе научиме, на нешто ќе се потсетиме и заедно ќе се дружиме. И ќе си покажеме едни на други дека ние сме тие што не се откажуваат, дека ние сме тие што и покрај сè се жедни за нови идеи и се решени да бидат во чекор со трендовите и со иновациите.

На 11 мај сите заедно ќе покажеме дека FMCG-секторот е моторот што ја движи економијата напред и кој во сето сивило успева да ги набере плодовите на оптимизмот.

Затоа, не дозволувајте другите да ви прераскажуваат за настанот – бидете таму!


 
 
 
 
back to top