IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Недела, 24.06.2018 || „Крафт-Хајнц“ го продава Complan?  |  Отворена е 100. „Бипа“  |  „Кока-кола“ го проширува погонот во Унгарија  |  „Прилепска пиварница“ донира за Центрите за аутизам  |  „Збербанк“ ќе биде сопственик на 39,2% од „Агрокор“  |  „НТ Болеро“ отвори погон за преработка на овошје во Топола  |  „Шпар“ го отвори првиот супермаркет во Малта  |  Нови можности за квалитетните македонските вина   |  „Мегле“ почнува со дигитален процес на откуп  |  „Млекара Здравје“ се закити со 5 златни ѕвезди   |  „Нектар“ со линија за иновативни пакувања  |  „Слатка куќа“ на улица Македонија  |  „Тинекс“ со поддршка за ранливите групи  |  Tip of the Week® на англиски јазик  |  „Барила“ ќе вложи милијарда евра за одржливо работење  |  „Теско“ ја објави добивката од приватните марки  |  Успешно одржан првиот FMCG-самит во Љубљана  |  Најдобар HR менаџер e Eлизабета Мирчевска  |  „Генеза“ отвори нов погон  |  Попусти за корисниците на „Амазон прајм“ во „Хол фудс“  |   ||
   

Силвија Брајовиќ: Од клиент до „адвокат“

13.03.2017
 

Силвија Брајовиќ, проектен менаџер, „Империал тобако ТКС"

Секој маркетинг-професионалец секојдневно ги користи терминитe АТЛ (Above-the-line), БТЛ (Below-the-line)и ТТЛ (Through-the-line) рекламирање. Тие термини и дефиниции ѝ се познати на секоја посериознаFMCG-компанија, која има структуриран пристап во градење на имиџот и за промовирање на своите брендови. Во бизнис-круговите секогаш биле актуелни дебатите кој е најдобриот баланс меѓу АТЛ и БТЛ, кој микс резултира со најдобар поврат на инвестицијата и кој дава максимален ефект.

За дефинирање на најдобриот интегриран комуникациски пристап (ТТЛ) кој ги опфаќа сите медиуми, големо влијание има и брзината на развој на новите медиуми, порастот на цените на масовните медиуми, начинот на кој потрошувачите ги „консумираат" медиумите, зголемениот  тренд на импулсивно купување...     

Би се задржала на БТЛ-рекламирањето, кое користи т.н. нековенционални медиуми: настани, телемаркетинг, интернет, социјални медиуми – т.е. директна  комуникација со помала, целна група консументи. Поконкретно, ќе се фокусирам на можните начини на промовирање на продажното место, кое сè уште не е важен дел од маркетинг-плановите на многу компании.

Во нашиот трговски универзум, со околу 70 отсто е доминантен индивидуалниот сектор, во кој принципите на дејствување се директен контакт и комуникација со крајниот консумент. Оттука, се наметнува прашањето за можноста за интегрирање на сопствениците и на вработените во БТЛ-поддршката на брендовите.

Пред да почне процесот на креирање програми за препорака, потребно е целосно да ги разбираме консументите и нивното однесување на продажното место. Неопходни активности се иницирање студии за анализа на навиките на купувачите, разбирање на процесот кога консументот преминува во купувач и на неговите мотивации, односно – стекнување на целокупна слика на „купувачкото патување" (shopper journey).  

Потребен е посегментиран пристап кон клиентите – индивидуалните продажни места. Од огромна важност е разбирањето на нивните потреби, цели и двигатели, од комерцијален, но и од личен аспект. Вклучувањето на вработените е од голема важност, затоа што многу често тие се на фронталната линија и имаат влијание врз одлуките на купувачите.

Од анализите произлегува програма, која ќе се фокусира на ефикасно користење на ресурсите на продажните места (сопствениците и вработените), т.е. се воведува нов пристап во промовирање на брендот преку „customer engagement".

Како маркетинг-претставник на компанија од тутунската индустрија, во која важат  рестриктивни услови за ракламирање, „customer engagement" зазема важно место и ја развива релацијата со клиентот, поминувајќи ги сите фази од клиент преку партнер и поддржувач, до крајната цел – „адвокат". Како резултат од моето работење во „Империал тобако" на шпанскиот пазар, подетално за таа тема ќе говорам на FMCG-самитот во мај.


 
 
 
 
back to top