IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Вторник, 23.10.2018 || Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |  Расте добивката на „ПепсиКо“   |  „Нестле“ е заинтересиран да купи бренд за минерална вода  |  Германските трговци продаваат преку интернет   |  Нов „Стокомак“ во Тетово  |  Експресна услуга на нова локација во Струга  |   Увозот на храна расте побрзо од извозот   |  Во септември пад на светските цени на храната   |  „Фуд стар“ ќе извезува пилешко месо во Кина   |   ||
   

ИГД: Европските трендови во фокус

19.12.2016
На што треба да обрнеме внимание?

Порастот на дисконтерите, сè позначајната улога на трговските алијанси и развојот на повеќеканалната продажба, се само дел од трендовите што во следните години ќе го обликуваат европскиот малопродажен пазар и ќе бидат предизвик за доставувачите.

Автор: Милош Риба, одговорен аналитичар за дисконтна малопродажба и за Централна и Источна Европа, ИГД

Во последните неколку години, низ цела Европа се забележува трендот на пораст на домаќинствата со еден или со помалку членови, додека истовремено се зголемува изборот на продажни формати – од хипермаркети и мали продавници до дисконти, кои се побројни од кога било досега. Во последно време, постојат и сè повеќе продавници, во кои асортиманот го сочинуваат исклучиво овошје и зеленчук (farmers' market).

Купувачите имаат сè повеќе обврски и живеат побрзо од порано. За нив, комфорното и брзо купување е особено важно. Во последните години, поизразена е и нивната потреба да водат здрав живот и здраво да се хранат, па затоа, посветуваат сè поголемо внимание на состојките и на потеклото на производите што ги одбираат.

При пазарувањето во продавница, купувачите бараат едноставни решенија и сè помалку ги привлекуваат комплексните ценовни промоции. Еден од најзначајните фактори што влијае на нивните одлуки при купувањето, повеќе од цената, е вредноста на тоа што го избираат.

Подемот и успехот на дисконтните синџири
Во препознавањето на тие купувачки трендови и потреби на современата доба, лежи и успехот на дисконтните синџири, кои со новите стратегии и концепти на продавници, одговорија на новонастанатите трендови во купувањето.

Дисконтниот концепт помина преку транзициска фаза, од хард или софт пристап, до концепт во чијшто центар е потрошувачот.

Порано, дисконтерите како „Алди", во понудата имаа околу 800 артикли, од кои поголемиот дел (околу 90 отсто) беа приватни трговски марки. Тоа беа економски производи, изложени на палети, со што синџирите дополнително ги намалуваа оперативните трошоци. Понудата од свежи производи беше ограничена, а објектите најчесто се простираа на продажна површина од вкупно 500 квадратни метри.

Во меѓувреме, софт-дисконтерите, како што е „Лидл", во асортиманот вклучија повеќе од 1.000 производи, од кои околу 30 отсто се брендови. Премиумизацијата на категориите стана сè поизразена – дисконтерите го подобрија квалитетот на „вредноста" со ценовен ранг на стандардно ниво, а премиум понудите забележаа експанзија. Ценовната стратегија ја базираат на секојдневно ниски цени, дополнета со ограничени промоции.

Развој на хибридниот концепт
Дисконтните синџири стратешки реагираат на промените во купувачките навики и на потребите на купувачите, што резултира со развој на хибридниот дисконтен концепт.

„Лидл" – продавница на иднината 
Една од најзабележливите промени во начинот на уредување на новите продавници е премиум изгледот, кој потсетува на супермаркет, а се постигнува со употреба на црна мат боја на ѕидовите и со свежи, модерни ознаки на местото на продажбата. За називите на категориите производи се употребуваат големи, бели и лесно читливи букви. Ознаките се проследени со едноставни симболи за видовите производи, во различни бои. Тоа е јасен показател дека „Лидл" е чекор понатаму во осмислувањето на навигацијата низ продажниот простор, со што на потрошувачите им помага побрзо и едноставно да пазаруваат. Освен на ѕидовите, посебни ознаки се користат и на ладилниците за раздвојување на поткатегориите, како и „перки", со кои се истакнува неделната лимитирана понуда.

Во последно време, „Лидл" почна да отвора објекти со продажна површина од 1.600 квадратни метри, двојно поголеми од продавниците со првобитниот концепт. Асортиманот е проширен на 2.000 артикли, а најбројни се тие во понудата на пекарницата, пиљарата и на готовите јадења. Трговецот не го ограничува развојот на приватните трговски марки, туку по примерот на конкуренцијата, лансираше нови во рамките на категориите, со ознаките „органско", „здрава храна" или „не содржи".
 
И брендираните производи станаа важен дел од понудата на дисконтерите, па така „Алди Зид" во Германија, во последните 12 месеци во асортиманот вклучи повеќе од 150 брендирани производи.

Иако ценовната стратегија на дисконтерите останува базирана на секојдневно ниските цени, селективно дополнети со промотивни понуди, тие почнаа да вложуваат и во огласување. Дури и „Алди", кој досега никогаш не се огласуваше на телевизија, во септември лансираше телевизиска и радио-кампања во Германија.

За разлика од другите трговци, дисконтерите во кампањите не го ставаат акцентот на цените, туку ги истакнуваат конкурентските предности, како што се квалитетот на производите и нивното потекло, за да стекнат дополнителен кредибилитет во доменот прехрана.


Маркетинг-кампањите на дисконтерите се паметни, забавни и најчесто – многу успешни.

На пример, „Лидл" во Полска со една кампања разви целосно нова категорија производи од приватната трговска марка, како и интернет-страница, на која потрошувачите ги споделуваат рецептите и искуствата поврзани со тие производи.

Трговските алијанси како одговор

Подемот на шоперцентричниот концепт (shopper-centric), односно на дисконтерите кои купувачот го ставаат во преден план, е еден од најважните трендови на европскиот малопродажен пазар. Тој тренд поттикнува и низа други – развој на трговските групи и инвестирање во повеќеканални формати.

За посигурна битка со дисконтерите, трговците сè повеќе се здружуваат во трговски алијанси, кои им овозможуваат да обезбедат понуди со брендови, но и со приватни трговски марки по пониски цени. Најголемите трговски групации од тој тип се ЕМД, „Алидис", „Еурошан", „Коперник" и АМС, со годишни приходи, по истиот редослед, од 178 милијарди евра, 140 милијарди евра, 131 милијарда евра, 125 милијарди евра и 108 милијарди евра во 2016 година. Силата на тој тренд се гледа и во фактот што дури и трговците од понизок ценовен ранг, „Волмарт" – Велика Британија и „Кауфланд", годинава ѝ се придружија на групацијата ЕМД. Иако тој тип на трговски алијанси сè уште не е етаблиран во Централна и во Источна Европа, трендот станува сè поголем предизвик за доставувачите во регионот.

Развојот на новите продажни формати, како одговор на трговците кон подемот на дисконтерите и создавањето на нови точки на диференцијација – се трендови, кои ќе бидат сè поприсутни на европските пазари. Малопродажните трговци ќе вложуваат повеќе во продажни канали, кои за дисконтерите се премногу комплексни, како што се е-трговијата  и малите продавници.

Сè поприсутниот повеќеканален пристап, исто така ќе се одрази и на постојната продажна мрежа на одделни трговци, кои ќе вложуваат повеќе финансии во преуредување и освежување на објектите и примена на концептот „продавница во продавница".

Да заклучиме, порастот на дисконтерите, сè позначајната улога на трговските алијанси и развојот на повеќеканалната продажба се само дел од трендовите што во следните години ќе го обликуваат европскиот малопродажен пазар и ќе бидат предизвик за доставувачите.



 
 
 
 
back to top