IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Четврток, 27.04.2017 || Две недели до трговскиот настан на годината  |  „Лента“ ги објави резултатите од првиот квартал  |  Подобар дизајн на пакувањето за поголема конкурентност  |  Врвни говорници на FMCG Summit Скопје 2017  |  Производите на „Подравка“ на катарските полици  |  „КМВ“ ја купи партнерската компанија на „Пепсико“ во Бугарија  |  „Меркатор“ заинтересиран за големите центри на „Конзум“ во БИХ  |  Пораст на продажбата на „Теско“  |  „Монделез“ инвестира во четири производствени линии  |  Х5 потпишува договор со Центросојузот  |  Потврдени сертификатите за добра производна практика на „Алкалоид“  |  Уништено неисправно пилешко месо од Бразил  |  „Империал тобако ТКС“ одбележува 15-годишен јубилеј  |  „Пепсико“ ќе поддржи осум неконвенционални брендови  |  „Лидл“ - Хрватска ќе издава извештаи за прехранбените производи  |  Виното на „Рубин“ најдобро на српскиот пазар  |  Еминентни говорници на FMCG Summit Скопје 2017  |  Зголемен прометот во индустријата во февруари   |  „Волмарт“ укинува корпоративни работни места  |  Словенечката влада го усвои „Лекс Меркатор“  |   ||
   

„Еуромонитор“: Најважните трендови во 2017 година

18.04.2017

Година на дигиталниот потрошувач

Најважните трендови на напредните дигитални потрошувачки технологии, вклучувајќи ја и достапноста на паметните телефони за широките народни маси, засекогаш ќе го променат начинот на кој луѓето пребаруваат и купуваат производи и услуги.

Извор: „Еуромонитор интернационал"

Како што глобалната популација станува сè повеќе дигитално поврзана, новите технологии отвораат нови врати за брендовите, овозможувајќи им одблиску да допрат до крајните потрошувачи. Истовремено, нудат и нови начини за управување со продавниците. 

Најважните три трендови што ќе ја одбележат 2017 година се:

  • Новите дигитални услуги ќе го придвижат порастот на дигиталните продавници;
  • Облеката ќе го предводи дигиталниот развој на производите;
  • Ќе се зголеми мобилното плаќање преку аликациите на банките.

 

Забрзан развој на дигиталните продавници

Според истражувањето „Глобални потрошувачки трендови" што „Еуромонитор интернационал" го спроведе во 2016 година, потрошувачите се свртуваат кон дигиталните канали за купување туристички аранжмани, кои можат полесно да се пребаруваат, а истовремено, овозможуваат и да се купи по пониски цени. Тие услужно ориентирани купувања, помагаат за развој на дигиталните продавници и ќе продолжат да го прават тоа и годинава.

Во истото истражување, потрошувачите генерално изјавиле дека најчестите мобилни купувања што ги прават се услужно ориентирани, вклучувајќи преземање од медиуми, купување влезници и нарачка на храна. Разликата меѓу уредите што се користат за нарачка е најмала кога се нарачува храна преку интернет – 26 отсто од испитаниците рекле дека нарачуваат храна преку компјутер, а 20 отсто го прават тоа со помош на мобилните телефони.

Дигитализацијата овозможува и нови облици на продавници, вклучувајќи дигитални стриминг-услуги, економично споделување и услуги на претплата. Тие услуги не беа можни пред дигиталните уреди да бидат широко распространети и токму тоа, ќе биде особено важно за понатамошната експанзија на дигиталните продавници.

Облеката – лидер за порастот на дигиталните продавници

Пред десет години, постоеше голема недоверба околу идејата облеката да се продава преку интернет. Денес, таа е една од приказните со најголем пораст на продажбата во универзумот на дигиталните продавници. „Еуромонитор интернационал" предвидува дека во 2017 година преку интернет ќе бидат купени производи во вредност од 1,3 трилиони долари, што ќе биде 9,6 отсто од вкупната сума продадени производи и услуги. Од дигиталната продажба на сите производи, облеката и чевлите најмногу ќе придонесат за апсолутната вредност на продажбата, со проценети 31,4 милијарди долари, колку што се очекуваат од вкупната продажба годинава.

Западноевропските и северноамериканските потрошувачи многу добро се снаоѓаат и се задоволни од повеќеканалните стратегии на клучните играчи на пазарот и од континуираната интеграција на физичките и на дигиталните продавници. Како резултат на тоа, услугите како што се „нарачај и земи" (click & collect), подигнувањето на стоката во продавниците и повторното одење во продавница се „новото нормално функционирање". Имајќи го тоа предвид, Азиско-пацифичкиот Регион, со средната класа во подем и со ментален склоп што го истакнува мобилниот телефон, е клучен регион за развој на оваа категорија за дигитална експанзија. Додека интернет-купувањето сè уште е само мал процент од вкупното купување кај многу азиски народи, околу една петтина од продажбата на облека и на чевли во Кина и во Јужна Кореја, денес се остварува преку дигиталните канали. Особено Кина е во предност, каде што продажбата веќе е поголема од таа во САД.

 

Што следува во војната на мобилните паричници?

 

Иако независните апликации, како што е Apple Pay, се апсолутен хит за мобилно плаќање, тоа не значи дека банките планираат да стојат настрана. Банките имаа успех со понудите на мобилни банкарски услуги, но понудата за персонално мобилно плаќање беше мала. Пред не повеќе од три години, тој потфат беше на поинакво ниво. Како и сите амбициозни провајдери на услуги, и банките беа принудени да преговараат со мобилните оператори за да добијат пристап до сигурносните елементи на мобилните телефони и да го овозможат НФЦ-плаќањето (NFC – Near Field Communications) според принципот „допри и оди" (tap-and-go). Тоа се промени во 2013 година, со технологијата „хост кард емулејшн" (Host Card Emulation), која овозможи сите тие детали да се складираат во „облак". Банките добро се позиционираа за претстојниот натпревар. Тие знаеја како безбедно и ефикасно да испратат пари и забележаа успех во светот, во кој мобилноста е на прво место.

Речиси три четвртини од испитаниците во истражувањето на „Еуромонитор" изјавиле дека користат мобилни телефони за пристап до банкарските средства, од кои 39 отсто, тоа го прават барем еднаш неделно. Потрошувачите може да бидат на релација љубов-омраза со банките, но банките ја имаат иднината во оваа област. Веќе е голем бројот на банките што им овозможуваат на корисниците да го платат купеното од мобилниот паричник. Се очекува дека до крајот на годината, ќе бидат многу повеќе.

 


 
 
 
 
back to top